Spyr um hesa keldu
Skriva ein spurning um hesa keldu. Spurningurin verður sendur til Spyr Lógarinnlit (Open WebUI) saman við kelduvísingini.
Innihald
Lógtekstur
30. apríl 2018 Nr. 64
Løgtingslóg um javningarprosent til almannaveitingar, sum seinast broytt við løgtingslóg nr. 145 frá 15. november 2021
§ 1 Fyri hvørt ár verður roknað eitt javningarprosent, sum verður nýtt til at javna ymiskar upphæddir…
Fyri hvørt ár verður roknað eitt javningarprosent, sum verður nýtt til at javna ymiskar upphæddir í almannalóggávuni.
§ 2 1) Javningarprosentið fyri komandi árið verður útroknað sum miðaltalið av
1) Javningarprosentið fyri komandi árið verður útroknað sum miðaltalið av 1) prosentvísu broytingini í lønarkarminum hjá Fíggjarmálaráðnum í tólv mánaða skeiðnum, sum endaði 1. oktober í inniverandi ári, og 2) prosentvísu broytingini í brúkaraprístalinum 2. ársfjórðing í inniverandi ári, í mun til 2. ársfjórðing árið fyri. Stk. 2. Er roknaða javningarprosentið hægri enn prosentvísa broytingin í lønarkarminum hjá Fíggjarmálaráðnum, verður javningarprosentið sett til prosentvísu broytingina í lønarkarminum. Stk. 3. 1) Um prosentvísa broytingin í lønarkarminum hjá Fíggjarmálaráðnum er fyri styttri tíðarskeið enn tólv mánaða skeiðið sbrt. stk. 1, nr. 1, verður hetta tíðarskeiðið nýtt. Stk. 4. 1) Er roknaða javningarprosentið minni enn null, verður javningarprosentið sett til null.
§ 3 Landsstýrismaðurin ásetir í kunngerð javningarprosentið fyri komandi árið í seinasta lagi 1.…
Landsstýrismaðurin ásetir í kunngerð javningarprosentið fyri komandi árið í seinasta lagi 1. november. Stk. 2. 2) Javnað verður fyrstu ferð 1. januar 2022.
§ 4 Landsstýrismaðurin kann áseta nærri reglur fyri útrokningina av javningarprosentinum, harundir…
Landsstýrismaðurin kann áseta nærri reglur fyri útrokningina av javningarprosentinum, harundir reglur, sum taka atlit til broytingar í hagtalsgrundarlagnum fyri útrokningina av javningarprosentinum.
§ 5 Henda løgtingslóg kemur í gildi 1. januar 2020
Henda løgtingslóg kemur í gildi 1. januar 2020. Í Tinganesi, 30. apríl 2018 Aksel V. Johannesen (sign.) løgmaður Lm. nr. 71/2017 1) Broytt við løgtingslóg nr. 145 frá 15. november 2021, har § 2 ljóðar soleiðis: “Stk. 1. Henda løgtingslóg kemur í gildi dagin eftir, at hon er kunngjørd. Stk. 2. Hóast freistina í § 3, stk. 1 í løgtingslógini verður kunngerðin í 2021 við javningarprosentinum fyri 2022 kunngjørd, tá hendan løgtingslógin er komin í gildi.” 2) Broytt við løgtingslóg nr. 152 frá 30. oktober 2020, har § 2 ljóðar soleiðis: “Henda løgtingslóg kemur í gildi dagin eftir, at hon er kunngjørd og hevur virknað fyri javning av veitingum frá og við januar 2021.”
Tilvísingar
Rættarkeldur, sum eru knýttar at hesi keldu í upprunagrunni.
Tengdar rættarkeldur
(7)Hetta eru tilvísingar úr Tilvísingar-upplýsingunum á logir.fo, sum eru tøkar í Lógarinnliti.
7 knýttar rættarkeldur eru tøkar í Lógarinnliti.